laburpen ez teknikoa - - lehen sektorea bultzatzea. - landa-irudiaren nortasun-elementuak babestea

ZEBERIO HAPO

Aurrerakina

Avance 1

LABURPEN EZ TEKNIKOA

01- SARRERA Ingurumen arloko tramitazioa Ingurumen Ebaluazio Estrategikoari buruzko 211/2012 Dekretuarekin bat etorrita egin da,

eta HAPOren Aurrerakina idaztearekin batera. Hala, elkarri elikatu dira biak, antolakuntza ahal bezain koherentea izan

dadin, Zeberioko udalerriaren natura- eta gizarte-balioen kontserbazioari eta haiei balioa emateari dagokienez.

 HELBURU OROKORRAK

Hiri Antolakuntzako Plan Orokorra dugu udal-lurralde osoaren plangintza integrala gauzatzeko tresna, eta haren funtsezko

egitekoa udal-barrutia, bere osotasunean, antolatzea da, honako hauek lortzeko:

- Gutxienez, udal-barrutiaren egiturazko antolamendu osoa eta hiri-lurzoru finkatuaren antolamendu xehatua.

- Aukeran, sektoretan banatutako lurzoru urbanizagarriaren eta hiri-lurzoru finkatuaren kategorian txertatu gabeko hiri-lurzoruaren antolamendu xehatua.

Udalerrian indarrean dagoen plangintza Lurzoruari eta Hirigintzari buruzko ekainaren 30eko 2/2006 Legera egokitu behar

da, eta gogoeta sakon bat egin behar da, 2007. urtera arte izandako lurzoruaren kontsumo masiboaren eta hazkunde

dinamikaren gainean. Horrez gain, beharrezkoa da gerora onartutako ingurumen-araudietara egokitzea; batik bat, lurzoru

urbanizaezinari dagokionez.

 INGURUMEN-HELBURUAK

Helburu orokorra bateragarritasuna bilatzea da, herriko bizi-kalitate onaren eta herriguneak iraunkortasun globalean ahal

bezain eragin txikia izatearen artean; horretarako, helburu hauek proposatzen ditu Aurrerakinak:

 Natura errespetatzea:

- EAEk hartutako ingurumen-konpromisoak HAPOn txertatzea.

- Lurzoru urbanizaezina antolatzeko kategoriak ezartzea, ingurune fisikoaren diagnostikoan hautemandako gabeziak, aukerak, urrakortasuna eta erabilera-gaitasunak kontuan hartuta.

- Ingurune fisikoaren diagnostikoa eta udalerriaren aukerak oinarri hartuta, ingurumena babestea eta hobetzea. Hori guztia, askotarikotasun biologikoa, paisajistikoa eta funtzionala areagotzeko.

2 ZEBERIO HAPO

Aurrerakina

Avance

- Balio ekologiko handiko guneen arteko lotura sustatzea, ingurune naturalaren zatiketa murriztuko duten korridore ekologikoen sorreraren bidez.

- Lurzoruaren kutsadura prebenitzeko eta zuzentzeko neurriak txertatzea.

- Baso-kudeaketarako eredu orekatua.

 Zeberio ibaia hobetzea:

- Ordoki alubiala hobetzea.

- Ibaia Zubialde – Zautuolabarria herrigunean txertatzea.

- Iturriak eta iturburuak babestea.

- Uraren zikloa eta ibai-ekosistemak babestea.

 Landa-paisaia babestea:

- Paisaia-unitateak identifikatzea eta babestea.

- Lehen sektorea bultzatzea.

- Landa-irudiaren nortasun-elementuak babestea.

- Haien kokalekua edo haien arteko erlazioak direla-eta, ingurumenerako interes berezia edo urrakortasun paisajistikoa duten eremuak identifikatzea eta babestea.

- Interes historiko, artistiko eta kulturaleko elementuak babestea, eta horien balioa nabarmentzea.

 Tokiko baliabideei etekina ateratzea/lehendik dagoena sustatzea:

- Balio agrologiko handiko lurzoruak identifikatzea eta babestea, eta erabilera desegokietarako ez okupatzea.

- Udalerrian elikagaien tokiko ekoizpena bultzatzea, eta ustiapenen iraunkortasuna hobetzea.

- Udal-autonomia areagotzea, hondakinen kudeaketan.

- Dauden zerbitzu-sareak hobetzea, eta auto-arazketa sustatzea.

- Udal-autonomia energetikoan aurrera egitea.

ZEBERIO HAPO

Aurrerakina

Avance 3

O ERREFERENTZIA-DOKUMENTUA

Zeberioko HAPOren Aurrerakinaren ingurumen-tramitaziorako Hasierako Dokumentuari emandako erantzun gisa, hainbat

administraziok eta herritar interesdunek iradokizunak igorri zituzten, Aurrerakina eta IIT hau idaztean kontuan hartu

beharrekoak.

- Bizkaiko Foru Aldundiaren Ingurumen Saila. Zeberioko Hiri Antolakuntzako Plan Orokorraren Ingurumen Ebaluazio Estrategikorako Erreferentzia Dokumentua.

- Kantauriko Konfederazio Hidrografikoa.

- Bizkaiko Foru Aldundiaren Herri Lan eta Garraio Sailaren Bide Azpiegituren Zuzendaritza Nagusia.

- Bizkaiko Foru Aldundiaren Kultura Saila.

- Natur Ondarearen Zerbitzua, Bizkaiko Foru Aldundiaren Ingurumen Saila.

- IHOBE.

- Bediako Udala.

- Zaratamoko Udala.

- UR Partzuergoa.

- Herritar interesduna: Jon I.U. jauna.

Kontuan hartutako beste dokumentu batzuk:

- Bizkairako Energia Iraunkorreko Estrategia (BEIE 2020).

- Bizikletazko Zuzendaritza Plana (2003-2006).

- Bizkaiko Uri Hondakinak Kudeatzeko Plan Integrala (2005-2016)

- Zeberioko Udalaren Arau Subsidiarioak.

O BESTE PLAN ETA PROGRAMA BATZUEN ZERRENDA

Udal-plangintzari eragiten dioten plan eta programen zerrenda hierarkiko bat dago. Hori dela eta, plangintzak kontuan

hartu beharko ditu gidalerroetan eta lurraldearen zatikako nahiz arloko planetan jasotako lurralde-antolakuntzarako

tresnak.

4 ZEBERIO HAPO

Aurrerakina

Avance

- Lurraldea Antolatzeko Gidalerroak (LAG).

- Lurraldea Antolatzeko Gidalerroen Berrikuspena.

- Bilbo Metropolitarreko Lurraldearen Zatikako Plana (LZP).

- EAEko Ibai eta Erreken Ertzak Antolatzeko Lurraldearen Arloko Plana (LAP).

- EAEko Ibai eta Erreken Ertzak Antolatzeko LAPren 1. aldaketa.

- Kantauri Ekialdeko Mugape Hidrografikoaren Plan Hidrologikoa.

- Uholdeak Prebenitzeko Plan Integrala.

- EAEko Nekazaritzako eta Basogintzako LAP.

- Euskal Autonomia Erkidegoko Errepideen 2. Plan Orokorra (1999-2010).

- Bizkaiko Errepideen LAP.

- Gorbeiako Parke Naturalaren Natur Baliabideak Antolatzeko Plana.

- Gorbeiako Parke Naturalaren Erabilera eta Kudeaketarako Plan Eraentzailea.

- Bizkaiko Lurralde Historikoaren fauna eta flora kudeatzeko planak: Bisoi Europarra Kudeatzeko Plana (Mustela Lutreola), desagertzeko arriskuan dagoen espezie gisa eta babes-neurri espezifikoak eskatzen dituena.

- 105/2008 Dekretua, ekainaren 3koa, Lurzoru eta Hirigintzari buruzko ekainaren 30eko 2/2006 Legea garatzeko premiazko neurriak ezartzen dituena.

- Bizkaiko Lurralde Historikoaren landaguneen zerrenda, 2014ko martxoa.

- Euskadiko Landa Garapeneko Programa.

- Klima Aldaketaren Aurkako Euskal Plana.

- EAEko Lurzoru Kutsatuen Plana.

- EAEko Paisaia Bikainen eta Berezien Katalogoa.

- EAEko Naturagune Babestuen Sarea.

- EAEko Biodibertsitate Estrategia (2009-2014).

- Garapen Iraunkorreko Euskal Estrategia: EAEko Ingurumen Esparru Programa.

- Ekoeuskadi 2020

ZEBERIO HAPO

Aurrerakina

Avance 5

- Ingurumeneko III. Esparru Programa (2011-2014).

- Tokiko Agenda 21. Azken Tokiko Ekintza Plana (TEP): 2013 – 2020

O INGURUNE FISIKOAREN INGURUMEN DIAGNOSTIKOA

Oro har, udalerri osoa hartzen duen Plan Orokor bat denez, plangintzak udalerriko lurralde osoan izango du eragina. Dena

den, Zeberiok badu berezitasun bat; izan ere, udal-lurzoruaren zati bat Gorbeiako Parke Naturalaren araudiaren arabera

antolatuko da (NBAP eta EKPE).

 LURRALDEAREN EZAUGARRIAK

Lurraldearen ezaugarri nagusiak honela laburbildu daitezke:

 Lurzoruaren erabilerak:

- Gaur egun, lurraldearen zati handi bat Pinus insignisen baso-landaketek hartzen dute, nekazaritza- eta baso-

erabilera tradizionalak ordezkatuta. Landaketa horiek lurraldearen % 80 hartzen dute, erabileren eta paisaiaren

homogeneizazioa agerian utziz.

- Nekazaritza-erabilerak eta erabilera antropikoak mazeletan biltzen dira eta, bereziki, Zeberio ibaiaren ordoki

alubialean.

 Landareak:

- Gunearen ezaugarri klimatikoek (sail klimatofiloak) zehaztutako balizko landareen sailak eta horiek garatzeko

lurzoruaren ezaugarriek (sail edafofiloak) zehaztutako sailak honako hauek dira: Harizti azidofiloak (Tamo

communis–Quercetum roboris), lehenengo sailean, eta Hyperico androsaemi-Alnetum elkarketa, bigarrengoan.

- Gaur egun, espezie bakarreko baso-landaketek udalerriaren zati handi bat hartzen dute, eta horien eraginez, habitat asko modu itzulezinean aldatu dira. Bestalde, landaketa batzuk erdi utzita daude, eta bertako landaredia

hazten ari da.

- Oraindik ere intereseko landareen formazioak kontserbatzen dira, hala nola pagadi, harizti, haltzadi, belardi eta abarren orban txikiak.

- Zeberio ibaian kontserbatzen da oraindik urertzeko basoa (eremuaren arabera, hobeto edo okerrago).

6 ZEBERIO HAPO

Aurrerakina

Avance

- Hainbat espezie daude, Espezie Mehatxatuen Euskal Katalogoan jasota.

- Udalerrian espezie inbaditzaileak egon arren, ez daude oso hedatuta eta nahiko erraz kontrola daitezke.

 Habitatak eta fauna:

- Pinus insignisen baso-ustiapenak gainerako habitatei gailendu zaienez, urriak dira f